Зәйдә Раштуа бәйрәме уңаеннан күп төрле чаралар оештырыла

Иртәгә 7 гыйнварь- Раштуа бәйрәме уңаеннан Зәйдә күп төрле чаралар оештырыла. Шуларның иң үзенчәлеклеләренең берсе һәр ел саен "Пирамида" кафесында аз керемле, авыр тормыш хәлендәге гаиләләрдә тәрбияләнүче балалар өчен үткәрелүче тетрлаштырылган Раштуа бәйрәме. Эшмәкәр Хәйруллин мондый бәйрәмне ел да үз хисабыннан оештырып балаларның күңелен күтәрә. Ә "Энергетик" мәдәният сараенда көндезге 10 да балалар өчен рәсем сәнгате студиясендә иҗат белән шөгыльләнү, күргәзмә оештырыла. Кичке биштә бар зәйлеләрне мәдәният сараендагы мәйданда Раштуа бәйрәменә чакыралар.