Оскар Дамиани 2026 йилда А Серияда кўпроқ италияликларни кутмоқда
Италиялик собиқ футболчи Оскар Дамиани 2026 йилда Италия футболидан нималарни кутаётгани ҳақида фикр билдирди. Бу ҳақда euro-football.ru хабар беради.
Унга кўра, 2025 йилнинг энг ёрқин жамоаси сифатида "Наполи" ажралиб турди. Дамиани эса кейинги мавсумда А Серия клублари таркибида италиялик футболчилар сони кўпайишини истайди.
"Чемпионатда легионерлар жуда кўп. Тушунаман, бу глобаллашув, аммо мен барибир анъанавий қадриятларга кўпроқ ўрганиб қолганман", — дея Дамианининг сўзларини calcionapoli1926.it келтиради.
Эслатиб ўтамиз, Дамиани 1968—1986 йиллар оралиғида Италия чемпионатида тўп сурган, фаолияти давомида "Ювентус" ва "Милан" каби клубларда ҳам ўйнаган. 1974 йилда эса Италия терма жамоаси сафида икки учрашувда майдонга тушган.