Мәет терелеп өенә кайткан
Дустының “рух шатлыгына” чираттагы рюмкасын күтәргән адәм тере “мәетне” күреп аңын җуйган...
Бу хәл Владивостокта булган. Бер төркем дуслар эчеп утырган вакытта араларындагы ир авыраеп китә. Дуслары ашыгыч ярдәм чакыралар, алары үз чиратында ирнең үлемен билгеләп, моргка озата.
Бәхеткә, ул үлмәгән була, суыткычта айнып китә һәм ярдәмгә чакыра башлый. Шул сәбәпле ул морг сакчысының котын ала. Персонал полиция чакырта һәм шуннан соң гына аны “тоткыннан” азат итәләр.
Үлеп терелгән ирне өенә озаталар. Кайтып кергән чакта дуслары аның рух тынычлыгына эчүләрен дәвам итә торган була. “Өрәк”не күргән берсе шундук аңын югалта, дип хәбәр итәләр Владивостокның матбугат сайтларында.