«Спортинг» 19 ёшли бразилиялик вингер билан музокара бошлади
Манбага кўра, «Спортинг» аллақачон Гильерме билан музокараларга киришган. Бироқ футболчини «Порту», «Бенфика», «Шахтёр», «Наполи» ва «Фиорентина» ҳам кузатиб бормоқда.
«Вест Ҳем» ёш бразилиялик учун тахминан 30 миллион евро талаб қилмоқда. 2024 йил ёзида «болғачилар» Гильермени 23 миллион еврога сотиб олган.
Англия Премьер-лигасининг жорий мавсумида вингер беш учрашувда майдонга тушди, бироқ натижали ҳаракатлари билан ажралиб чиқмади. Гильерменинг «Вест Ҳем» билан амалдаги шартномаси 2029 йил ўрталаригача мўлжалланган.