Миңнеханов: Кытай – безнең стратегик партнер, ул безнең өчен бик мөһим
Кытай Халык Республикасы Россия өчен генә түгел, Татарстан өчен дә стратегик партнер булып тора. Бу хакта Татарстан Республикасы Рәисе Рөстәм Миңнеханов 2025 ел йомгакларына багышланган матбугат конференциясендә белдерде.
Аның сүзләренчә, узган 2024 елда Татарстанның Кытай белән товар әйләнеше быелгыдан күбрәк булган, бу санкцияләр белән бәйле. «Төгәл саннар әле юк, әмма санкцияләр белән бәйле кимү бар», – диде Миңнеханов.
Татарстан Рәисе шулай ук «РОСТКИ» халыкара форумын телгә алды, ул елдан-ел ике як өчен дә зур кызыксыну уята, дип белдерде.