Маноло Гонсалес футболчилар бор кучини бераётганини айтди
«Мен жуда мамнунман. Бизга айнан шундай йил керак эди.
У фантастик бўлди. Бу улкан фахр туйғуси.
Футболчилар бор кучини беришяпти, бизни энг яхши таърифлайдиган сўз эса — "жамоа". Иккинчи давра янада қийинроқ бўлади, аммо шу муносабатни сақлаб қолсак, курашни давом эттира оламиз», — дея мураббий сўзларини Estadio Deportivo келтиради.
«Биринчи бўлим қийин кечди, бироқ биз яхши ҳимояландик ва имкониятларимиздан фойдаландик. [Рақибга] ортиқча кўп нарсага йўл қўймадик».
«Майдонга тушаётганларнинг барчаси яхши рақобатлашмоқда, бу бизга суръатни ушлаб туриш ва еврокубоклар йўлланмаси учун курашни давом эттириш имконини беради». «Эспаньол» 33 очко билан бешинчи ўринда, «Атлетик»да 23 очко ва саккизинчи ўрин.