Дума депутаты мәктәпкәчә белем бирү хезмәткәрләре өчен мактаулы исем кертергә тәкъдим итә
Дәүләт Думасы вице-спикеры Борис Чернышов мәктәпкәчә белем бирү хезмәткәрләре өчен яңа мактаулы исем булдыру инициативасы белән чыгыш ясады. Бу хакта депутатның хөкүмәт рәисе урынбасары Дмитрий Чернышенкога мөрәҗәгатенә сылтама белән RT телеканалы хәбәр итә.
Вице-спикер мөрәҗәгатендә билгеләп үткәнчә, мәгариф өлкәсендәге дәүләт мактаулы исемнәре гадәттә мәктәпләрдәге педагогларга юнәлтелгән, ә мәктәпкәчә белем бирү системасы белгечләре – тәрбиячеләр, психологлар, музыка җитәкчеләре һәм тәрбияче ярдәмчеләре – дәүләт ягыннан тиешлечә танылу ала алмый.
Әлеге белгечләрнең эше – балаларның шәхесенең нигезен формалаштыру – җәмгыять өчен бик зур әһәмияткә ия, дип саный Чернышов. Шул сәбәпле вице-спикер яңа бүләк кертүдән тыш, мондый хезмәткәрләргә атказанган укытучыларга бирелә торган ярдәм чараларын да билгеләргә тәкъдим итә.