Алабуга районы хуҗалыгына Мәскәү өлкәсеннән нәселле терлекләр кайтарылды
Алабуга районында «Мир» авыл хуҗалыгы предприятиесе нәселле сыерларны арттыруны дәвам итә. Бу атнада хуҗалыкка Мәскәү өлкәсеннән 34 голштин танасы кайтты. Бу хакта «Алабуга нуры» яза.
Алабуга районы башлыгы Телеграм-каналында хәбәр иткәнчә, сентябрь ахырына кадәр Чувашиядән һәм Свердловск өлкәсеннән өстәмә рәвештә 100 баш яшь терлек кайтару планлаштырыла. Бу предприятиенең җитештерү куәтен арттырырга һәм республиканың агросәнәгать комплексында районның позициясен ныгытырга мөмкинлек бирәчәк.
Голштин токымы югары продуктивлыгы белән билгеле һәм сөт терлекчелегендә иң танылганнардан санала.