Лутфулла Тўраев «Бунёдкор» клубига қайтди
0
Таниқли футболчи Лутфулла Тўраев «Бунёдкор» клубига қайтди. Бу ҳақда клуб матбуот хизмати хабар берди.
«Футболчилик фаолиятининг кўп қисмини жамоамиз сафида ўтказган Лутфулла Тўраев яна «Бунёдкор»га қайтди, фақат мураббий сифатида.
«Бунёдкор»да тўп тепган ўйинчиларни ортга қайтаришни анъанага айлантирган клубимиз юртимизнинг номдор ва совриндор футболчиларидан бири бўлган Лутфулла Тўраев бўйича ҳам шундай йўл тутди.
1-лига иштирокчиси «Бунёдкор-2» устозига айланган Лутфулло Нарзуллаевичнинг мураббийлик фаолиятига омад ва зафарлар тилаб қоламиз! Умид қиламизки, футболчи сифатида «Бунёдкор» билан кўплаб совринларга эга чиққан ёш мутахассис мураббийликда ҳам ютуқларга эришади!» — дейилади хабарда.