Казан Бөек Ватан сугышы батырлыкларына багышланган фотокүргәзмәдә катнашты

Бөек Ватан сугышы батырлыкларына багышланган фотокүргәзмәдә Казан әлеге проектта катнашкан 31 шәһәрнең берсе булды. Күргәзмә өчен «Казан – хезмәт батырлыгы шәһәре» стеласының фотосурәте тәкъдим ителде. Күргәзмә Мәскәүдә Арбат урамында оештырылган.

Мәскәү хөкүмәте Россия шәһәрләре союзы белән берлектә оештырган һәм Бөек Ватан сугышында Җиңүнең 80 еллыгына һәм Ватанны саклаучылар елына багышланган проект 1941-1945 еллардагы Бөек Ватан сугышында Герой-шәһәрләрнең, хәрби дан шәһәрләренең һәм хезмәт батырлыгы шәһәрләренең истәлекле объектларын күрсәтә. Экспозиция 31 июльгә кадәр эшләячәк.

Күргәзмәдә Казан «Казан – хезмәт батырлыгы шәһәре» стеласының фотосурәтен тәкъдим итте. Бу тыл эшчеләренең Җиңүгә керткән өлешен күрсәтүче шәһәр символы.

Шунысын да билгеләп үтәргә кирәк, «Казан – хезмәт батырлыгы шәһәре» истәлекле композициясе 26 метр биеклектәге стеладан гыйбарәт, бу 9 һәм 13 метр зурлыктагы ике пилон белән уратып алынган сигез катлы йорт белән чагыштырырлык. Аларда Ш.Мәрҗани исемендәге ТР Фәннәр академиясе Тарих институты, ТР Дәүләт архивы, Казан федераль университеты һәм ТР Милли музее фондларыннан Бөек Ватан сугышы вакытында тыл хезмәтчәннәренең батырлыгы турында тарихи материаллар чагылдырылган. Стела проектын скульптор-монументалист Денис Стритович эшләгән.