Дунёнинг энг кучли футбол лигалари эълон қилинди
Ушбу рейтинг жамоаларнинг умумий куч коэффициентига асосланган ҳолда шакллантирилган бўлиб, Премьер-лига клубларининг ўртача даражаси 100 баллдан 92,6 ни ташкил этди. Бу эса Англия чемпионатини нафақат Европада, балки дунё миқёсида ҳам энг рақобатли лигага айлантирмоқда.
Энг кучли 10 лига кимлар?
Opta Sports таҳлилига кўра, кучли ўнталикдаги чемпионатлар қуйидагича жойлашди:
1. Англия Премьер-лигаси — 92,6
2-3. Италия А Серияси — 87,0
2-3. Испания Ла Лигаси — 87,0
4. Германия Бундеслигаси — 86,3
5. Франция Лига 1 — 85,5
6. Англия Чемпионшипи — 80,9
7. Бельгия Про-лигаси — 80,5
8. Португалия Примейра-лигаси — 79,8
9. Бразилия Серия А — 79,4
10. Нидерландия Эредивизиси — 78,8
АПЛ – рақобат, маҳорат ва молиявий устунлик
Англия Премьер-лигаси нафақат энг кучли футболчилар ва мураббийларни жалб қилиш, балки молиявий барқарорлик ва замонавий инфратузилмаси билан ҳам бошқалардан ажралиб туради. Бу ерда ҳар бир жамоа ўртасидаги фарқ жуда кичик, шунинг учун ҳар бир турда кутилмаган натижалар қайд этилиши мумкин.
Янги мавсумда янада кўпроқ интрига кутилмоқда
Премьер-лиганинг янги мавсуми янада қизғин курашларга ва сенсацияларга бой бўлиши кутилмоқда. Жаҳоннинг энг кучли ва эътиборли чемпионатида иштирок этаётган клубларнинг сифати ва имкониятлари янада юқори баҳоланмоқда.
Zamin.uz таҳририяти фикрича, футбол оламидаги бундай объектив таҳлиллар чемпионатлар ва клублар фаолиятига катта рағбат бахш этади. Энг муҳим савол: янги мавсумда қайси жамоа пешқадамликни эгаллайди?