Җырчы Гүзәл Уразова Таиландта Сабантуй үткәрергә җыена
Татарстанның халык артисты, эстрада җырчысы Гүзәл Уразова 31 майда Таиландта Сабан туе үткәрергә җыена. Бу хакта җырчы социаль челтәрләрдәге сәхифәсендә хәбәр итте.
«Безнең Сабантуй нинди генә почмакларда узмады. Ә хәзер игътибар! Азиядә яшәүчеләрнең барысын да - танышларны, дусларны, теләге булган һәркемне Пхукеттагы Сабантуйга чакырам. Керү түләүсез», - диде Гүзәл Уразова.