Ventar avgjerd i utleveringssak mot Bhatti 7. desember

Høyringa i den fyrste rettsinstansen i Islamabad vart i dag avslutta. Dommaren seier han i løpet av få dagar vil ta stilling til kausjonssøknaden til Arfan Bhatti, medan avgjerda i sjølve utleveringssaka er venta den 7. desember. På rettsmøtet i Islamabad i dag vart fyrst kausjonssøknaden til Bhatti behandla, før politiet leverte sine avsluttande argument for kvifor det er juridisk forsvarleg å utlevera Bhatti til Noreg. Politiadvokaten understreka at alvoret i saka gjer det etter pakistansk lov mogleg for regjeringa å utlevera han, sjølv om Pakistan ikkje har ein utleveringsavtale med Noreg. Forsvararen til Bhatti Khuskhal Kakar seier han uansett utfall av utleveringssaka kjem til å anka avgjerda til High Court i Islamabad.