Төмән өлкәсенең «Мирас» татар иҗтимагый оешмасы 18 еллыгын билгеләп үтә
Төмән өлкәсе «Мирас» төбәк татар иҗтимагый оешмасы 18 еллыгын билгеләп үтә. 2005 елның 12 сентябрендә оешма дәүләт теркәве турында таныклык алган. Бу хакта Бөтендөнья татар конгрессының матбугат хезмәте хәбәр итә.
Моннан 18 ел элек оешманы гамәләгә куючы 5 кеше оешманы төзүче, Совет рәисе Луиза Шәмсетдинова җитәкчелегендә Себер татарларының тарихи-мәдәни мирасын сакларга булган.
Бүген «Мирас» 18 иҗтимагый-файдалы проектны гамәлгә ашыра, шул исәптән «Искер», «Сүзге» тарихи-мемориаль комплексларын төзү, «Искер-жыен», «Сүзге-тора» фестивале, «Күчем хан оныклары» яшьләр форумы һ.б., диелә хәбәрдә.