Leiar for tenkjetank i USA tiltalt for ulovleg våpenhandel
0
Påtalemakta i USA har tiltalt ein amerikansk-israelsk statsborgar for blant anna ulovleg våpenhandel, brot på sanksjonslover og for å vere kinesisk agent, melder CNN.
Gal Luft i tenkjetanken Institute for the Analysis of Global Security blei gripen av kypriotiske styresmakter i februar. Men han klarte å flykte medan han venta på utlevering til USA.
Luft har nekta straffeskuld, og meiner tiltalen er politisk motivert. Republikanarar i Kongressen har omtalt Luft som ein informant som sit på belastande informasjon om president Joe Bidens son, Hunter Biden.