Питрәч районында иң яхшы почтальоннарны бүләкләделәр

Питрәчнең «Алга» газетасы редакциясе район почтальоннары арасында «Иң яхшы почтальон» конкурсын үткәрде. Бу хакта «Алга» газетасы яза.

«Вперед» һәм «Алга» газеталарына күбрәк яздыручылар җиңүче булып танылды. Алар – Колайдан Любовь Куприянова, Белкинодан Ольга Федорова һәм Кощактан Александра Колбасова. Питрәчтән Анатолий Елисеев аерым бүләккә лаек булды.

Ольга Ивановна 3 ел почтальон булып эшли. Элек савымчы булып хезмәт куйган, ләкин кулын сындыруы сәбәпле, аңа авыр физик башкарырга ярамый. Шуңа күрә ул почтальон һөнәрен үзләштерергә карар итә.

«Мин ике авылга хезмәт күрсәтәм, кешеләр күп – 200-300ләп. Өлкән буын да, яшьләр дә бар. Мин аларга газеталар, журналлар, хатлар алып киләм. Минем тырышлыгымныны бәяләүләре сөенедерә», – дип уртаклашты Ольга Федорова.

Анатолий Елисеевны «почтальон Печкин» дип атыйлар. Ул чыннан да әкият героена охшаган: почтальон ир-ат хатларны велосипедта йөреп ташый. Икенче елын эшли, һөнәре буенча - электромонтер. Озак еллар Волгоградта яшәгән, берничә ел элек Питрәчкә күченгән.

«Көненә якынча 18 километр юл үтәм, 30 урамга хезмәт күрсәтәм, һәркайсында якынча 30 йорт урнашкан. Өйдә утыру күңелсез. Ә монда рәхәтләнеп урамда йөрисең, саф һава сулыйсың. Сәламәтлегең дә яхшыра, кешеләргә дә ниндидер файда китерәсең, һәм өстәмә эш тә начар түгел», – дип уртаклашты Анатолий Васильевич.

«Вперед» («Алга») газетасының баш мөхәррире Ольга Шәмсетдинова иң яхшы почтальоннарга акчалата бүләк, диплом һәм чәчәк бәйләмнәре тапшырды, язылу кампаниясендә актив катнашканнары һәм район газетасын хуплаулары өчен барысына да рәхмәт белдерде. Шулай ук һөнәри бәйрәмнәре, 10 июльдә билгеләп үтелә торган Россия почтасы көне белән котлады, диелә хәбәрдә.