«Республика Татарстан» газетасы баш мөхәррире «Бәллүр каләм» бәйгесендә гран-при алды
«Республика Татарстан» газетасы баш мөхәррире Александр Латышев «Бәллүр каләм» журналистика һәм массакүләм коммуникацияләр өлкәсендә XXVI Республика бәйгесендә Гран-при алды.
«Кичә генә чыккан газетада Әстерханда булган Сабантуйдан репортаж чыкты. Хәбәрче Сабантуй батыры белән сөйләшкән. Ул өченче тапкыр җиңүе һәм өч тапкыр «Лада Гранта» машинасын алуын әйткән. Минем андый бүләкләр алу тәҗрибәсе зур түгел, шуның өчен, бу сүзнең барлык мәгънәсендә, көрәш кагыйдәләрен өйрәнергә киңәш итәм», - дип сөйләде ул сәхнәдән.
Төп приз - «Лада Гранта» машинасы ачкычларын Татарстан Республикасы Премьер-министрының урынбасары Ләйлә Фазлыева тапшырды.
Лауреатларны бүләкләү тантанасы Казанның "Сәйдәш" мәдәният үзәгендә булды.