Казанда Вознесение трактының беренче участогы ел ахырына кадәр ачылачак
2023 елда Татарстан башкаласында Гвардия урамыннан Җиңү проспектына кадәр Вознесение трактының беренче участогы ачыла. Бу хакта эшлекле дүшәмбедә Казан башкарма комитеты башлыгы урынбасары Игорь Куляжев хәбәр итте.
«Совет районында шәһәр өчен мөһим магистраль - Вознесение тракты төзелә. Юл Мамадыш трактын бушату миссиясен үтәргә тиеш, ул үзенә янәшәдәге торак микрорайоннардан трафикны кабул итәчәк», - дип аңлатты Куляжев.
Аның сүзләренчә, Вознесение трактының гомуми озынлыгы 12 километр чамасы.
«Объекттагы эшләр югары темплар белән алып барыла һәм агымдагы ел ахырына Җиңү проспектыннан Гвардия урамына кадәр 4 километр участокта юл хәрәкәтен ачарга планлаштырабыз», - дип йомгаклады Игорь Куляжев.