Алабугада артка бара торган йөк машинасы тротуардагы хатын-кызны таптаган
Алабугада 34 яшьлек йөртүче идарә иткән Isuzu йөк машинасы бер хатын-кызны бәрдереп үтергән. Бу хакта «Татар-информ»га Татарстан Дәүләт автоинспекциясенең матбугат хезмәтендә хәбәр иттеләр.
Isuzu шоферы йөк бушату өчен тротуар буйлап артка хәрәкәт иткән вакытта җәяүлене таптаткан.
Юл-транспорт һәлакәтендә 62 яшьлек хатын-кыз урында ук үлгән.
Фаҗиганең сәбәбе – йөртүченең үз маневрының иминлегенә инанмавы һәм йөкне бушатканда өченче затлардан ярдәм сорамау.
Дәүләт автоинспекциясе хезмәткәрләре юл хәрәкәтендә катнашучыларга юл хәрәкәте кагыйдәләрен үтәргә, юлларда уяу һәм игътибарлы булырга киңәш итә.