Blir obdusert i dag
0
Ekteparet, som døydde av skotskadar i Kristiansund fredag, blir obdusert i dag. Det seier Merethe Falkevik som er påtaleansvarleg i saka. Det vil truleg ta litt tid før resultatet av denne er klart.
Ei kvinne i 70-åra blei funnen hardt skadd utanfor bustaden der paret budde. Ho døydde seinare av skadane. Mannen blei funne død inne i bustaden.
Etterforskinga av saka held fram.
– Vi gjennomfører ein god del vitneavhøyr og går gjennom tekniske spor. I tillegg gjer kriminalteknikarar framleis undersøkingar på staden. Politiet er også interessert i tips som kan vere med på å opplyse saka, seier Falkevik.