Түбән Кама поликлиникасында кан басымы югары булган кешеләр өчен махсус дәресләр уза
Түбән Каманың 1нче поликлиникасында артериаль гипертония белән авыручылар өчен берничә чара уза. Бу хакта «Туган як» сайтында Түбән Кама үзәк хастаханәсе матбугат хезмәтенә сылтама белән хәбәр итә.
23 майда үзәк район хастаханәсе белгечләре югары кан басымы булганда туклану үзенчәлекләре турында сөйләргә җыена.
30 майда табиблар инсульт һәм йөрәк өянәген кисәтү буенча киңәш бирә.
6 июньдә «Физик активлык һәм сәламәтлек» темасына дәрес уза.
Барлык дәресләр дә Менделеев урамы, 46 адресы буенча актлар залында була.