Afghansk politi: 19 drepne i sjølvmordsbombing i Kabul
0
Ifølge afghansk politi er 19 menneske drepne i ein eksplosjon mot ein utdanningsinstitusjon i Kabul.
– Studentar førebudde seg til ein eksamen medan ein sjølvmordsbombar slo til ved eit utdanningssenter, seier talsmann for politiet Khalid Zadran til AFP.
27 personar er skadde, fortel Zadran. Eksplosjonen fann stad i bydel Dashti Barchi der det bur fleire sjiamuslimar og medlem av minoritetsgruppa Hazara, skriv NTB.
Ingen har så langt tatt på seg skulda for angrepet. Minoritetsgruppa Hazara har tidlegare vore utsett for fleire angrep frå den ytterleggåande islamistgruppa IS.