Мәрҗани мәчетендә Таһир хәзрәт Саматовның хатынын искә алдылар
Россия мөселманнары Дини җыены рәисенең беренче урынбасары, Ханты-Манси автономияле округы – Югра мөфтие Таһир хәзрәт Саматов Әл-Мәрҗани мәчетендә хатыны Рәисә ханымны искә алу мәҗлесе уздырды. Бу хакта Россия мөселманнары Дини җыены хәбәр итә.
Мәҗлестә Россия мөселманнары Дини җыены рәисе, Мәскәү мөфтие Әлбир хәзрәт Крганов та катнашты.
Рәисә Борһанова 60 яшендә бакыйлыкка күчте, алар мөфти Таһир хәзрәт Саматов белән 40 ел бергә яшәгән, өч бала тәрбияләп үстергән. Алар 1992 елда Сургут шәһәренә күченә һәм Себердә дистәләгән мәчет төзелешендә катнаша. Шулай ук төбәктә Ислам динен үстерү һәм дин нигезләрен укыту белән шөгыльләнәләр, диелә хәбәрдә.