Omtrent like mange kvinner som menn utfører sjølvmord med narkotika

118 kvinner og 136 menn døyde i sjølvmord med illegale rusmiddel mellom 2008 og 2020, viser ein ny rapport frå Nasjonalt kartleggingssystem.

Samanlikna med sjølvmord med andre metodar er andelen kvinner høgare for sjølvmord med narkotika.

Andelen sjølvmord med illegale rusmiddel står for 7,2 prosent av det totale talet på sjølvmord i Noreg.

Rapporten tar føre seg sjølvmord med narkotika som har skjedd etter kontakt med spesialisthelsetenester for psykisk helse og rus.

Sidan 2008 har det vore ei auke i talet på sjølvmord med narkotika. I perioden 2008 til 2012 var det mellom 8 og 18 sjølvmord i denne kategorien, medan det i siste periode var mellom 19 og 30.

Talet på dagar frå siste kontakt med helsevesenet er lengre for døgnbehandling enn for poliklinisk kontakt. Det er motsatt tendens enn tidlegare.

Majoriteten av sjølvmorda er utført med opioid som morfin, kodein og oksykodon.

Dei fleste som har døyd som følge av sjølvmord med narkotika har vore i diagnosegruppa skadeleg bruk og avhengigheit (29,5 prosent). Deretter kjem angst og belastningslidingar (18,9 prosent) og affektive lidingar (17,2 prosent).

I mange tilfelle er det ikkje mogleg å skilja mellom sjølvmord og overdosar med narkotika, som betyr at det er mørketal.