Татарстанда ял итү һәм сәламәтләндерү программасы өчен өстәмә 327 млн сум бүлеп бирелә
Киләсе елдан Татарстанда балаларның һәм яшьләрнең ялын оештыру программасын финанслау 18 процентка яки якынча 330 млн сумга артачак. Гомумән алганда, 2023 ел программасын финанслау күләме 2 млрд 132 млн сум тәшкил итәчәк.
«Сезон башында билгеле бер кыенлыклар туды. Төп азык-төлек продуктлары, товарлар, төрле хезмәтләргә бәяләр арттты. Шуңа карамастан, сату оештырылды, җәйге савыктыру кампаниясе штат режимында уза», - дип хәбәр иткән республика вице-премьеры Ләйлә Фазлыева Татарстан Яшьләр эшләре министрлыгы матбугат хезмәтенә.
Аның әйтүенчә, Татарстан Республикасы Президенты Рөстәм Миңнеханов ял итү һәм сәламәтләндерү программасы нормативларын 327 млн сумга арттыру тәкъдимен хуплаган.
Быел Татарстанда төрле савыктыру лагерьларында 150 меңнән артык бала һәм яшүсмер ял иткән, бу җәйге планның 83 процентын тәшкил итә. Бүген барлыгы 100 ял оешмасы, шул исәптән, республикадан читтә 5 балалар лагере эшли. Ул 15 меңнән артык кеше өчен каралган.