პრეზიდენტის მკვლელობის შემდეგ, ჰაიტი შეერთებული შტატებისა და გაეროსგან ჯარებს ითხოვს
ჰაიტის დროებითმა მთავრობამ შეერთებულ შტატებსა და გაეროს მიმართა თხოვნით, გააგზავნონ ჯარები მნიშვნელოვანი ინფრასტრუქტურის დასაცავად კარიბის ზღვის პირა ქვეყანაში მაშინ, როცა ის ცდილობს სტაბილიზებას პრეზიდენტის მკვლელობის შემდეგ.
არჩევნების მინისტრმა, მათიას პიერმა, 10 ივლისს განაცხადა, რომ თხოვნა მიმართულია არა ქვეყნის ოკუპაციისკენ, არამედ იმისკენ, რომ ჰაიტი ქაოსმა არ მოიცვას.
ბაიდენის ადმინისტრაციის მაღალი თანამდებობის ოფიციალურმა პირმა განაცხადა, რომ შეერთებული შტატები ამ ეტაპზე არ გეგმავს სამხედრო დახმარების აღმოჩენას.
ჰაიტის პრეზიდენტი ჟოვენელ მოიზი სასიკვდილოდ დაჭრეს 7 ივლისის დილას თავის სახლში, პორტ-ო-პრენსში, ხოლო მისი ცოლი დაჭრეს, ოფიციალური პირების განცხადების თანახმად, დაქირავებულმა მკვლელებმა, რომლებიც თავს შეერთებული შტატების ნარკოტიკებთან ბრძოლის სამმართველოს აგენტებად ასაღებდნენ თავს.
ჰაიტის ოფიციალურ პირებს არ აღუნიშნავთ მკვლელობის მოტივი. მოიზის ცოლმა 10 ივლისს გამოაქვეყნა განცხადება, რომელშიც მინიშნებული იყო, რომ პრეზიდენტი მოკლეს ქვეყნის განვითარების მცდელობისთვის.