Пристигнаа 100 илјади вакцини „Астра Зенека“ донација од Грција
„Донацијата е на лична иницијатива на грчкиот премиер Киријакос Мицотакис, што му ја има ветено на нашиот претседател на Владата, Зоран Заев. Уште еднаш се потврдуваат добрососедските односи и поддршка кои се особено значајни во време на пандемија. Голема благодарност до грчкиот народ, Владата на Република Грција и амбасадорот на Грција во нашата земја, Н. Е Русос Кундурос со кој утрово ги пречекавме вакцините. Истите веднаш ќе бидат дистрибуирани по вакциналните пунктови и наменети за лица над 60 години согласно нашата стратегија за вакцинација“, напиша Филипче на неговиот фејсбук профил.
Еден починат и десет нови случаи на ковид-19
Тој посочува и дека вакцинацијата се забрзува и од понеделник сите граѓани ќе може без закажан термин да се вакцинираат. Во последните 24 часа регистрирани се десет нови случаи на Ковид-19 од направени 2.960 тестирања, петмина оздравени пациенти и еден починат.