Aqyarda daa 119 insan koronavirusqa oğradı, üç kişi vefat etti – akimiyet
«Umumen Aqyarda 17 680 insan yañı koronavirus yuqunçına oğradı. 15 388 kişi yahşı oldı, 771 insan vefat etti. 491 insan közetile – bu insanlar hastalarnen alâqada oldı, COVID-19 diagnozı tasdıqlanmadı», – dep aytıla haberde.
Cumaaqşamı künü, iyülniñ 8-nde, Aqyarda 115 yañı koronavirus hastası qayd etildi, 71 yaşından 85 yaşına qadar dört insan vefat etti.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.