ჩეხეთის ელჩი მოსკოვში რუსეთის საგარეო უწყებაში დაიბარეს პრაღის მიერ კომპენსაციის მოთხოვნის მერე
სამინისტროს პრეს-მდივანმა, მარია ზახაროვამ, 1 ივლისს განაცხადა, რომ ელჩი პივონკა, შეხვედრისას, ინფორმირებული იქნება იმის შესახებ, რომ აფეთქების შესახებ საკითხის განხილვის წინადადება პრაღის მხრიდან - სოფელ ვრბეტიცეში, რასაც ორი ჩეხი მოქალაქის სიკვდილი მოჰყვა - "მიუღებელია".
ამ კვირის დასაწყისში, ჩეხებმა გამოიძახეს რუსეთის ელჩი, ალექსანდრ ზმეევსკი, რათა მოეთხოვათ სრული კომპენსაცია ამ აფეთქების გამო.
აპრილში ჩეხებმა დაადანაშაულეს მოსკოვი აფეთქებასთან მისი კავშირის გამო, რამაც ორმხრივი ურთიერთობები ჩიხში შეიყვანა და პრაღამ რუსეთის დიპლომატიური სამსახურის რამდენიმე თანამშრომელი გააძევა.
მოსკოვმაც, რომელმაც უარყო ამაში რამენაირი ჩართულობა, მსგავსად უპასუხა.
ჩეხებმა განაცხადეს, რომ აფეთქებაში ჩართული იყო ორი რუსი მამაკაცი, და მოახდინეს მათი იდენტიფიცირება, როგორც რუსეთის ორი მოქალაქისა, რომლებიც ასევე დადანაშაულებულნი იყვნენ ბრიტანეთის მიერ ყოფილი ორმაგი აგენტის, რუსი სერგეი სკრიპალისა და მისი ქალიშვილის მოწამვლაში მონაწილეობის გამო 2018 წელს, ინგლისში.