"Мен сені жеңемін, мұны өзің де білесің": Әлімханұлы әлем чемпионын жекпе-жекке шақырды

Қазақстандық боксшы Жәнібек Әлімханұлы WBO нұқасы бойынша орта салмақтағы чемпион америкалық Деметрис Андрадені жекпе-жекке шақырды, - деп хабарлайды Tengrinews.kz тілшісі Vesti.kz басылымына сілтеме жасап.

"Андраде, қазір сен солақайлармен жаттығып, спарринг өткізіп жүрсің-ау. 100 пайызға дайын бол. Сені бірінші раундта нокаутқа түсіргім келмейді. Көреремендер Qazaq Style-дан ләззат алсын. Мен сені 7 не 8-раундта сұлатамын. Мен сені жеңемін, мұны өзің де білесің", - деп жазыпты Жәнібек твиттер желісінде. 


Andrade I think you are training now and sparring with the left-hander. Be 100% ready. I don't want to knock you out in the first round. I want to give fans the opportunity to enjoy QAZAQ style. I will stop you 7-8 rounds. I will win you and you know it. #boxing
— Janibek Alimkhanuly (@qazaqstyle) June 29, 2021
Айта кетейік, қазақстандық боксшы мұндай мәлімдемені орта салмақтағы америкалық экс-чемпион Роб Брантты уақытынан бұрын жеңген соң жасаған.
"Мен әлемге қазақша стильдің не екенін көрсеттім", - деген еді Әлімханұлы экс-чемпионды жеңген соң.
Бұған дейін Жәнібек Әлімханұлы Брантты жеңген жағдайда мексикалық Хайме Мунгиямен кездесу өткізуге уәде берген.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!