ТР Дәүләт Советы депутаты Актаныш мәктәпләрендә балалар туклануы белән танышты
(Актаныш, 28 гыйнвар, «Татар-информ», «Актаныш-информ»). Татарстан Республикасы Дәүләт Советы депутаты Альберт Хәбибуллин эшлекле сәфәре барышында Актаныш мәктәпләрендәге белем алучы балаларның туклануы белән кызыксынды. Бу хакта район газетасы хәбәр итә.
Тикшерү барышында мәктәп ашханәләрендә булган проблемаларда күзәтелде. Аларның берсе поварларның һәм кухня эшчеләренең хезмәт хакы түбән булу. Икенче җитди проблема ашханәләрдә укучыларга урыннар җитмәү.
Альберт Галимҗан улы мәктәп җитәкчелеге һәм эшче коллективның менә шул мәсьәләләр буенча фикерләрен тыңлады һәм әлеге проблемаларның һичшиксез Дәүләт Советына ирешәчәген искәртте, диелә хәбәрдә.