Чироқчилик ота байрам арафасида 3 нафар фарзанди учун 10 млн. сўм алимент пулларини тўлади — Бизга қўшилинг: ???? https://t.me/joinchat/AAAAADwt0NGCRoONT4f1_Q

Мажбурий ижро бюроси Чироқчи туман бўлими иш юритувига жорий йилнинг 25 февраль куни алимент ундириш тўғрисидаги навбатдаги ижро ҳужжати келиб тушди. Унга кўра, фуқаролик ишлари бўйича Чироқчи туман суди томонидан қарздор Ш.Хуррамовдан ундирувчи Н.Дониёрова фойдасига 3 нафар фарзандларининг моддий таъминоти учун алимент пулларини ундириш белгиланган. Қарздор давлат ижрочисининг огоҳлантиришларига қарамасдан алимент пулларини тўламаганлиги боис жорий йилнинг 27-ноябрь куни бўлиб ўтган суд мажлисида 15 сутка маъмурий қамоқ жазосига тортилган. Шундан сўнг, Ш.Хуррамов 2021 йилнинг 1 январь кунигача бўлган 10 млн. сўм алимент қарздорлигини бир йўла тўлаб берди. МИБ Чироқчи туман бўлими.