Туркияга борувчилар учун янги талаблар эълон қилинди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Туркия Соғлиқни сақлаш вазирлиги 30 декабрдан Туркияга ташриф буюраётган йўловчилар учун янгиланган талабларни эълон қилди. Унга кўра: Туркияга ташриф буюраётган 6 ва ундан юқори ёшдаги авиайўловчилар 30 декабрдан бошлаб, COVID-19 учун PZR SARS-COV-2 усули билан, Туркия чегарасини кесиб ўтишдан камида 72 соат олдин топширилган тест натижалари маълумотномасини мажбурий равишда тақдим этишлари лозимлигини эълон қилди. PZR SARS-COV-2га манфий натижали ПЗР-тестни тақдим этмаган йўловчилар чегарани кесиб ўтишда кўрсатилган (уй, меҳмонхона ва бошқа) манзил бўйича 7 кунлик карантинга олинади. Туркиядаги яшаш манзилини кўрсатмаган шахслар, Туркия соғлиқни сақлаш вазирлиги томонидан ажратилган жойларга жойлаштирилади. 7 кунлик карантиндан сўнг ПЗР-тести мусбат натижа берган йўловчилар Туркия соғлиқни сақлаш вазирлигининг амалдаги талаблари асосида даволанадилар. Мазкур чоралар 2021 йилнинг 1 мартига қадар амал қилади.