Aqmescitteki mahkeme qırımtatar faali Ametovnıñ davası boyunca oturışuvnı başqa künge qaldırdı – advokat

Cuma künü, dekabrniñ 18-nde, Rusiye kontrolindeki Aqmescitniñ Jeleznodorojnıy rayon mahkemesi qırımtatar faali Kazim Ametovnıñ dava baqıluvını başqa künge qaldırdı, çünki cevapkâr taraf kerekli vesiqalarnı azırlamadı. Ametov, «Bağçasaraydaki vaqtınca tutuv izolâtorı ve Aqmescitniñ №1 SİZOsında apiste tutuv şaraitleri «insan itibarını aşalağanı» içün dava açmağa talap etti. Bu aqta advokat Rustem Kâmilev «Qırım birdemligine» bildirdi.


«Muracaat berdik, Kazim Ametov tutulğan kameralarnı qayd ettik. İzolâtorlarnıñ vekilleri bu malümatnı tasdıqladı. Olar qarşı malümat bermeli, Kazim ağanıñ normal, sanitar normalarğa uyğun, ışıq, qızdıruv, sıcaq suv ceetinden yahşı şaraitlerde tutulğanını isbatlamalı», – dep añlattı advokat.




Qırım Muhtar Cumhuriyeti ve Aqyar prokuraturası, Qırım Muhtar Cumhuriyetiniñ milliy politsiyası Rusiye quvetçileriniñ saba qırımtatar faali Kazim Ametovnıñ evinde keçirgen tintüvlerinen bağlı cinaiy tahqiqat başlattı.


«Veciye Kaşka davasınıñ» 63 yaşında mabüsi Kazim Ametovnıñ evinde Rusiye quvetçileri tintüv keçirdi. İlk malümatqa köre, anda «tahqiqat tedbirleri» oldı. Qırımtatar milliy areketiniñ faali Nariman Celâl bildirgenine köre, FSB hadimleriniñ tintüvi Ametovnıñ oğlunen bağlı.


Ametov, evlerinde keçirilgen tintüv tafsilâtları aqqında tarif etti.


İşğalden soñ Qırımdaki faktik Rusiye akimiyeti mustaqil jurnalistler, vatandaş faalleri, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.