(Лениногороск, 7 июнь, «Татар-информ», « Заман сулышы»). Лениногорск районының Зәй-Каратай авылыннан Ипеев Валерий 150 башка исәпләнгән мөгезле эре терлек симертү өчен ферма төзүгә грант откан. Бу хакта район газетасы хәбәр итә. Татарстан Республикасы Авыл хуҗалыгы һәм азык-төлек министрлыгында «2017-2020 елларга Татарстан Республикасында крестьян (фермер) хуҗалыклары базасында гаилә терлекчелек фермаларын үстерү» федераль ведомство программасы буенча грантлар бирү өчен КФХлар проектларын сайлап алу конкурсына йомгаклар ясаганнар. Конкурска кертелгән 50 крестьян (фермер) хуҗалыгыннан 17 муниципаль районынның 25 крестьян (фермер) хуҗалыгы грантка ия булган.
