ელიზაბეთ რუდი: აშშ შეშფოთებულია საქართველოში პოლიტიკური დაძაბულობის მატებით
„ზოგადად, მე ვიტყოდი, რომ ამერიკის შეერთებული შტატები შეშფოთებულია პოლიტიკური დაძაბულობის მატებით, რასაც ჩვენ საქართველოში ვხედავთ. ამიტომაც, ჩვენ ვიმედოვნებთ, რომ შევძლებთ მხარი დავუჭიროთ დიალოგს მმართველ პარტიასა და ოპოზიციურ პარტიებს შორის. ცხადია, ჩვენ სრულად ვუჭერთ მხარს ქართველი ხალხის უფლებას, გამოიყენონ შეკრებისა და სიტყვის თავისუფლება. ჩვენ ნამდვილად გვწამს, რომ ეს მხოლოდ მშვიდობიანი გზით უნდა განხორციელდეს და არასოდეს გადაიზარდოს ძალადობაში. ჩვენ ასევე ველით, რომ პოლიციის პასუხი იქნება შესაბამისი და დისკრიმინაციულად არ მიუდგება ძალადობას, რომელიც შეიძლება გაჩნდეს დემონსტრაციის დროს“,- აცხადებს ელიზაბეთ რუდი.
მისი სიტყვებით ცვლილები საქართველოში უნდა განხორციელდეს კანონის ფარგლებში.
„მე ვიტყოდი, რომ საქართველო დემოკრატიული ქვეყანაა და ამერიკამ დიდი ინვესტიცია განახორციელა ორი ქვეყნის სტრატეგიული თანამშრომლობისას, წლების განმავლობაში, საქართველოს დემოკრატიულ ინსტიტუტებში. ჩვენ მიგვაჩნია, რომ ნებისმიერი ცვლილება უნდა განხორციელდეს პოლიტიკური პროცესების, პარლამენტის და არსებული დემოკრატიული ინსტიტუტების მეშვეობით“, - აცხადებს ელიზაბეთ რუდი.