Эктор Купер: "Шогирдларим билан, жамоам билан фахрланаман"

Австралия - Ўзбекистон учрашувидан кейинги матбуот анжуманида дастлаб Эктор Купер иштирок этди. "Бундай мағлубиятдан сўнг бирор сўз айтиш қийин. Ўйинчиларим бугунги ўйин учун айтилган барча кўрсатмаларни бажаришди. Шогирдларим билан, жамоам билан фахрланаман. Иккинчи таймда 15-20 дақиқа пассив ўйнадик. Австралия билан тенгма тенг ўйин намойиш этдик. Пенальтилар серияси бу лоторея. Бу футбол. Олдинга интилишда давом этамиз", - дейди Купер. - Марат Бикмаевни ўйин тугашига озгина вақт қолганда туширишдан мақсад қандай эди? - Элдор катта ҳажмдаги ишни бажарди ва чарчади. Уни алмаштириш зарур эди. Захирада ўтирган барча футболчилар тайёр эди. Марат терма жамоамизнинг муҳим ўйинчиларидан бири. - Сардор Рашидовни Осиё Кубогига олиб келиш қанчалик тўғри қарор бўлди деб ўйлайсиз? - Менимча бу тўғри қарор эди. У терма жамоага келиш учун кўп меҳнат қилди. Таркибдаги барча йигитлар жамоа учун ҳаракат қилишди. - Ўйин учун раҳмат. Пенальтилар серияси лоторея буни тушунамиз. Олдинда Жаҳон чемпионати саралаш баҳслари турибди. Жамоамиз ўйинини кучайтириш учун қайси камчиликлар устида ишлаш керак деб ҳисоблайсиз? - Олдиндаги муҳим мусобақаларга янада жиддий тайёргарлик кўрамиз. Биз ҳозир оптимистик руҳдамиз. Австралия каби Осиё грандлари билан тенгма-тенг ўйнай олишимизни кўрсатдик. Энди хатоларни таҳлил қилиб, ўйинимизни янада кучайтириш учун иш олиб борамиз. - Биз кучли жамоа тузишга ҳаракат қиляпмиз. Афсуски, Осиё кубогида иштирокимизни якунлашга мажбур бўлдик. Бу Осиё мусобақасида кучли терма жамоаларга қарши ўйнадик. Япония, Австралия каби. Улар билан муносиб курашдик. - Бугун Австралиянинг кучли томонини кучсизлантиришга ҳаракат қилдик. Футболчилар 120 дақиқа давомида майдонда ўйнашди, кейин пенальтилар серияси бўлди. Бу лоторея, футболчилар бунга руҳан тайёр бўлиши керак. Биз мусобақадаги барча ўйинларимизни таҳлил қилиб чиқамиз. Камчилик ва хатоларимиз устида ишлаймиз. Осиё Кубогига қисқа муддат ичида тайёргарлик кўрдик. Шунга қарамай, ўз ўйинимизни намойиш қила олдик. Футболчилар намойиш қилган ўйиндан қониқиш ҳосил қилдим. Аммо биз ишлашда давом этамиз. Ўйинимизни янада кучайтирамиз.