Australian Open. Ուիլյամսը պայքարից դուրս թողեց աշխարհի առաջին ռակետ Հալեպին
Ամերիկուհի Սերենա Ուիլյամսը դուրս է եկել Ավստրալիայի Բաց առաջնության 1/4 եզրափակիչ:
1/8 եզրափակչում WTA վարկանիշային աղյուսակի 16-րդ հորիզոնականը զբաղեցնող թենիսիստուհին 6:1, 4:6, 6:4 հաշվով առավելության է հասել աշխարհի առաջին ռակետ ռումինուհի Սիմոնա Հալեպի նկատմամբ:
1 ժամ 47 րոպե տևած հանդիպման ընթացքում 37-ամյա Ուիլյամսի ակտիվում գրանցվել է 9 էյս, 5 բրեյք-փոինթ, 2 սխալ մատուցման ժամանակ, իսկ 27-ամյա Հալեպի ակտիվում՝ 2 կրկնակի սխալ, 3 բրեյք:
Սա թենիսիստուհիների 11-րդ հանդիպումն էր և Ուիլյամսի 9-րդ հաղթանակն այս դիմակայությունում:
Հավելենք, որ Սերենա Ուիլյամսի հաջորդ մրցակիցը Չեխիայի ներկայացուցիչ Կառոլինա Պլիշկովան է: