Լրատվամիջոցները պատմել են Բրեդ Փիթի նոր ընկերուհու և Անջելինա Ջոլիի բարդ հարաբերությունների մասին
Հոլիվուդյան գերաստղ Բրեդ Փիթն արդեն մեկ ամիս հանդիպում է հայտնի դերասանուհի Շառլիզ Թերոնի հետ, սակայն, ինչպես պարզվում է, աստղային շիկահերը բարդ փոխհարաբերություններ ունի Փիթի նախկին կնոջ՝ դերասանուհի, պրոդյուսեր Անջելինա Ջոլիի հետ:
Ինչպես նշում է Daily Mail-ը, Թերոնի և Ջոլիի հակակրանքն ունի մի քանի տարվա պատմություն ու կապված է ֆիլմերում դերեր ստանալու հետ:
Լրատվամիջոցների փոխանցմամբ՝ կանայք իրար ուղղակի տանել չեն կարողանում: Հայտնի է, որ դերասանուհիների միջև թեժ պայքար է ընթացել տարբեր ֆիլմերում առաջարկված դերերի համար:
«Այս երկուսի միջև ատելությունը շատ վաղուց է սկսվել ու չի վերջանա հենց այնպես: Ռեժիսորներն իրենց հերթին թեժացնում են այդ պայքարը՝ ֆիլմերի սցենարներն ուղարկելով և՛ Ջոլիին, և՛ Թերոնին ու հետևելով՝ ինչպես է ընթանալու նրանց պայքարը»,-պատմել է քաջատեղյակ աղբյուրը: