2014 ел ахырына районда яшәүчеләр саны 20 меңнән артып китте
2014 ел ахырына районда яшәүчеләр саны 20 меңнән артып китте.
Райондагы һәр авыл җирлегендә диярлек халык саны узган елгыдын арткан. Бары Кошки һәм Чуаш Кичүе җирлекләрендә генә кеше саны кимегән. Ә Түбән Әлкидә әлеге күрсәткеч узган елгы дәрәҗәдә калган.
Халык саны нигездә яңа туган балалар, башка төбәкләрдән кайтып урнашкан кешеләр хисабына арткан. Исәп эшенең җайга салынуы да нәтиҗә биргән. Районда 20 мең халык яшәгәндә, әйтик, эчке эшләр бүлеге, хәрби комиссариат кебек службаларның кыскартылу куркынычы юк. Гомумән, әлкилеләрнең ишәюе – биредә яшәү шартларының яхшыра баруы нәтиҗәсе, юллар төзү, су, электр белән тәэмин итү һәм башка яшәү өчен мөһим булган мәсьәләләрнең уңай хәл ителүе билгесе дә.