Юл йөрү кагыйдәләре илендә
16 декабрьдә 5нче мәктәп территориясендә I-Vсыйныф укучылары өчен юл йөрү кагыйдәләрен белү буенча автовикторина оештырылды. Викторинаның максаты - укучыларны урамда йөргәндә игътибарлы булырга, юл кагыйдәләренә буйсынырга өйрәтү. Өйләренә кайтыр алдыннан укучыларга кагыйдәләрне искә төшереп, бигрәк тә бозлавык вакытта игътибар белән йөрү кирәклеге искәртелде. Сораулар һәм табышмаклар, юл билгеләре күрсәтмәләре нигезендә укучылар белемнәрен ныгытты. Һәр дөрес җаваплар өчен баллы бонуслар бирелде.
Киләсе шундый чара ЮХИДИ хезмәткәрләре һәм юл куркынычсызлыгы фонды директоры Вадим Иванов катнашында 24 декабрьдә үтәчәк.