(Казан, 1 март, «Татар-информ»). Россиянең көньягы һәм үзәк өлеше аэропортларына очышларны вакытлыча чикләү режимы Мәскәү вакыты белән 8 март 3 сәгать 45 минутка кадәр озайтылды. «Очышлар вакытлыча Анапа, Белгород, Брянск, Воронеж, Геленджик, Краснодар, Курск, Липецк, Ростов-на-Дону, Симферополь, Элисты аэропортларына чикләнгән», диелә Росавиация сайтындагы хәбәрдә. Шул ук вакытта ведомствода башка Россия аэропортларының, шул исәптән халыкара аэропортларның да штатлы режимында эшләүләрен билгеләп үттеләр. Авиакомпанияләргә пассажирларны ябык аэропортларга Сочи, Волгоград, Минераль Сулар, Ставрополь һәм Мәскәү аэропортларын кулланып, альтернатив маршрутлар буенча оештырырга тәкъдим ителде.
