Улатăрпа Канашсем хула кунне паллă турĕç
.jpg)
Харăсах икĕ уяв – хула кунне тата чукун çул ĕçченĕсен кунне паллă турĕç Канашра. Кунта пурăнакансемпе пĕрлех хăнасем савăнчĕç. Улатăрта та канмалли кунсем хаваслă иртрĕç. 470 çул каялла йĕркеленнĕ хула паян хăйĕн пуян историйĕпе, хăйнеевĕрлĕхĕпе килен-каяна тыткăна илет. Кунта вырнаçнă чиркӳсемпе мăнастирсене çулсерен пиншер çын килсе çӳрет. АЛИНА ИГОНИНА: «Улатăр çыннисене уявпа саламлас килет. Вĕсене ырлăх-сывлăх сунас килет. Çак хула малалла та ӳссе пытăр. Çыннисем саванăçлă пулччăр». Хула кунĕнче ал ă
<p>Харăсах икĕ уяв – хула кунне тата чукун çул ĕçченĕсен кунне паллă турĕç Канашра. Кунта пурăнакансемпе пĕрлех хăнасем савăнчĕç. Улатăрта та канмалли кунсем хаваслă иртрĕç. 470 çул каялла йĕркеленнĕ хула паян хăйĕн пуян историйĕпе, хăйнеевĕрлĕхĕпе килен-каяна тыткăна илет. Кунта вырнаçнă чиркӳсемпе мăнастирсене çулсерен пиншер çын килсе çӳрет.</p>
<p> АЛИНА ИГОНИНА: <em>«Улатăр çыннисене уявпа саламлас килет. Вĕсене ырлăх-сывлăх сунас килет. Çак хула малалла та ӳссе пытăр. Çыннисем саванăçлă пулччăр»</em>.</p>
<p>Хула кунĕнче ал ăстисен куравĕ те, ача-пăча валли хатĕрленĕ программа та пуян пулчĕ. Тунсăхлама никамăн та вăхăт пулмарĕ. Ир пуçласа каçченех юрă-кĕвĕ ушкăнĕсем уява килнисене хаваслă кăмăл-туйăм парнелерĕç. Йăлана кĕнĕ тăрăх, Улатăр хулин кунĕнче «Звучи, российская глубинка» фестиваль иртет. Кăçал вăл 22-мĕш хут иртрĕ. Халăх пултарулăхĕпе паллаштарма Чăваш Енри районсемпе хуласенчен çеç мар, кӳршĕ регионттан та артистсем килсе çитнĕ.</p>
<p>ЛИНА СПИРИДОНОВА: <em>«Эпир Улатăр хулине çак уява, çак фестивале 10 çул ытла çӳретпĕр. Пире кунта питĕ килĕшет. Кашни çулах коллективсемпе паллашатпăр. Çĕнĕрен те çĕнĕ юрăсем хамăр вĕренетпĕр. Çĕнĕ юрăсем илтетпĕр, пĕр-пĕринчен вĕренетпĕр. Пире хапăл тусах кĕтсе илеççĕ çак хулара. Эпир питĕ хавас».</em></p>
<p>ФАИНА МАКСИМОВА: <em>« Улатăр хулине «Звучи, российская глубинка» фестивале курма тата хамăра кăтартма килекен хăнасемпе пĕрле калаçма килтĕмĕр. Алатырь хули пире питĕ килĕшет. Пысăк. Ÿсет Улатăр хули, чаплă». </em></p>
<p>Уява килнĕ сумлă хăнасем Улатăрти Геройсен стели патне чечексем хучĕç. Пултаруллă та ĕçчен çынсем тăрăшнипе хула сăн-сăпачĕ çулсерен илемленет. Çитес çулсенче вара коммуналлă тытăма тĕпрен çĕнетсе улăштарасшăн, çак пысăк ĕçе тепĕр çул валли плана кĕртсе хăварнă. Кун çинчен республика Пуçлăхĕ Олег Николаев хула çыннисене уяв ячĕпе саламланă май пĕлтерчĕ. Улатăра аталантарма пысăк тӳпе хывнă хастарсене патшалăх наградисем парса чысларĕ.</p>
<p>Тăван хулан çуралнă кунне канашсем те савăк кăмăлпа кĕтсе илчĕç. Йăлана кĕнĕ тăрăх, уявра чукун çул ĕçченĕсен кунне те паллă тăваççĕ. Канаш хули тĕпленнĕ вырăнта 130 çул каялла Шăхран чукун çул станцийĕ йĕркеленĕ. 1925-мĕш çулта вăл ятне улăштарнă. Хальхилле Канаш пулса тăнă. Паян кун та вăл республикăн чукун çул çинчи тĕп хули шутланать.</p>
<p>– 97 çул хушшинче Канаш хули самаях улшăнса, хитреленсе, аталанса пыракан хула. Малалла та çавăн пекех пултăр. Кунта пурăнакансене яланах сывлăх пултăр. Кунта килекенсене çак хула килĕшсе яланах каялла таврăнас килтĕр. Унсăр пуçне нумайăшĕн Канаша килсе пурăнас текенсен çуралса çирĕпленччĕр малалла. Сумлă хăнасем монохула аталанăвĕпе паллашнă май, наци проекчĕпе пурнăçланă объектсене çитсе курчĕç.</p>
<p>Хула кунне халалласа Канашра тĕрлĕрен мероприяти иртрĕ. Вăл шутра конкурссемпе вăйăсем, концертсем, ăмăртусем чылай пулчĕç. Уявра яланхи пекех, ĕçре хастарлăхпа палăрнисене, пысăк çитĕнӳсем тунисене патшалăх наградисемпе чысларĕç<strong> </strong></p>
<p><strong> </strong></p>