Каçхине урама хунарпа тухаççĕ
![Каçхине урама хунарпа тухаççĕ](http://www.ntrk21.ru/../UserFiles2019/video/202112/22(8).jpg)
Елчĕк районĕнчи Исемпел, Аслă Пăла Тимеш. Кушкă ялĕсенче пурăнакансем урамра каçсерен çутă çуккипе тарăхаççĕ. Хĕвел ансан ялта пурнăç чарăнать текенсем те пур. XXI-мĕш ĕмĕрте те хунар йăтса çӳрекенсемпе пирĕн пултарулăх ушкăнĕпе халăх фрончĕн Чăваш Енри уйрăмĕн хастарĕсем тĕл пулчĕç. Кăнтăрла иртни 4 сехет. Исемпел ялĕнче шăплăх хуçаланать. Электричество юписем çинче пĕр хунар та çук. Куçран йĕппе чышсан та нимĕн те курăнмасть. – Çутă тахçанах çук ĕнтĕ. Нихăçан та пулман тесен те юрать. Каç пулсассăн тухмас
<p>Елчĕк районĕнчи Исемпел, Аслă Пăла Тимеш. Кушкă ялĕсенче пурăнакансем урамра каçсерен çутă çуккипе тарăхаççĕ. Хĕвел ансан ялта пурнăç чарăнать текенсем те пур. XXI-мĕш ĕмĕрте те хунар йăтса çӳрекенсемпе пирĕн пултарулăх ушкăнĕпе халăх фрончĕн Чăваш Енри уйрăмĕн хастарĕсем тĕл пулчĕç. Кăнтăрла иртни 4 сехет. Исемпел ялĕнче шăплăх хуçаланать. Электричество юписем çинче пĕр хунар та çук. Куçран йĕппе чышсан та нимĕн те курăнмасть. – Çутă тахçанах çук ĕнтĕ. Нихăçан та пулман тесен те юрать. Каç пулсассăн тухмастпăр ĕнтĕ урама. Урамри хунарсене каçхине 5 сехетре çутаççĕ-ха, анчах та вăхăтлăха çеç. Пĕр урам вĕçне хăнана каяс пулсан, каялла тĕттĕмре е хунарпа килме тивет. ЕКАТЕРИНА НИКИТКО: «Манăн алăра люксометр – ку прибор çутă шайне тĕрĕслет. Эпир хунар çутакан вырăнта тăратпăр. Вĕсем урамра виççĕ. Прибор 3-4 люмен кăтартать. Йĕркепе килĕшӳллĕн вăл 6 пулмалла». Юпасем çинче ятарлă лампочкосем çакман, вĕсем ахаллисем çеç. Кушкă ялĕнче вара лару-тăру пушшех йывăр. Шăп çак çулпа ачасем шкула утаççĕ. Пăрлак çул тата урамра каçсерен çутă çукки инкек патне илсе çитерме те пултарать. Ялта пурăнакансем йывăрлăха пĕлеççĕ, анчах та калама хăраççĕ. Пирĕн пултарулăх ушкăнĕпе халăх фрончĕн хастарĕсене курсан вĕрентӳ çурчĕн алăкĕсене шалтан питĕрсе илчĕç. Ялти лавккара ĕçлекен сутуçă çеç пуриншĕн те калаçрĕ. АЛИНА ЯКОВЛЕВА: «Çуллахи вăхăтра килте эпир светсăр та пурăнма пултаратпăр. Çулла ахаль те çутă. Хĕллехи вăхăтра час тĕттĕмленет. Çутă пулсан авантарах ĕнтĕ». Аслă Пăла Тимеш ялĕнче пурăнакансене урамара çутă туса панă. Анчах та, инкек пулнă хыççăн. Темиçе уйăх каялла кӳршĕ ялта çын çухалнă, каярах вара унăн виллине тупнă. СВЕТЛАНА ЛЯЛЛИНА: «Алăксене шаккаса çӳренĕ, анчах тра вĕсем сĕре хăранипе урамра тĕттĕм алăка уçмарĕç. Урамра çутă пулсан çыннине те тупма пулатчĕ вăхăтра. Вăл та таçта кĕрсе каймастчĕ». Халăх фрончĕн Чăваш Енри хастарĕсем Елчĕк районĕнче пурăнакансен нушине тимлĕхе илнĕ. Çак çитменлĕхе вĕсем ял тăрăхĕпе район пуçлăхĕ, прокуратура, çул-йĕр хăрушсăрлăх инспекцийĕн ĕçченĕсем патне илсе çитерĕç, – Хăрамастăр-и эсир вăрлама килесрен? – Ялта çамрăксем сахал. Кунта вĕт шутлă кăна çамрăксем. – Шаккасан уçмастăр-и никама та? – Уçмастпăр ĕнтĕ. Каçхине алăк уçма, урама тухма, ачасене шкула кăларса яма ял çыннисем хăраççĕ. Çивĕч ыйтăва кĕске вăхăтра татса парасса шанаççĕ</p>