Уфа юлында авариядә исән калган хатынны узып бара торган машина таптап киткән
Башкортстанның Стәрлетамак районында юл һәлакәте була. Биредә ике автомобиль бәрелешә. Бер машинадан хатын-кыз чыга һәм җимерекләрне карамакчы була. Аны узып баручы башка автомобиль таптап китә. Бу турыда «Башинформ» хәбәр итте.
25 ноябрьдә кичке якта Уфа — Оренбург юлында Mitsubishi Lancer машинасын йөртүче идарәсен югалта. Ул «ВАЗ-2114» машинасына бәрелә. Иномарка пассажиры салоннан чыгып, машинаның ватык урыннарын карамакчы була. Шул чакта аны «Киа Рио» машинасы бәрдереп китә. Хатын-кыз урында ук һәлак була. Аннары «Киа Рио» машинасы «Лада Веста» белән бәрелешә.
Фаҗиганең сәбәпләрен ЮХИДИ хезмәткәрләре ачыклаячак, диелә бу хәбәрдә.