Регионсем ĕçсене çитереççĕ
Çип, бисер, хаклă чул, пăлан шăнăрĕпе сухалĕ тата ытти те – карттăна тĕрленĕ чухне темĕн те усă кураççĕ. Чăваш Ене регионсенчен пайсем килме пуçларĕç. Кĕçех вĕсене пĕрлештерме те пуçлаççĕ. Пĕтĕмпе картта 3 метр çӳллĕш, 6 метр сарлакăш пулмалла. Кăткăс эрешсемпе Алина Сусметова паллашрĕ. Раççейри облаçсемпе республикăсене, тăрăхсене пĕрлештерекен ĕç Чăваш Республикин картти пекех эрешленет, анчах пĕр уйрăмлăх пурах. – Надежда Аркадьевна, Чăваш Республикин карттине тĕрленĕ чухне панносем хатĕрлемен. Раççей ка
<p>Çип, бисер, хаклă чул, пăлан шăнăрĕпе сухалĕ тата ытти те – карттăна тĕрленĕ чухне темĕн те усă кураççĕ. Чăваш Ене регионсенчен пайсем килме пуçларĕç. Кĕçех вĕсене пĕрлештерме те пуçлаççĕ. Пĕтĕмпе картта 3 метр çӳллĕш, 6 метр сарлакăш пулмалла. Кăткăс эрешсемпе Алина Сусметова паллашрĕ. Раççейри облаçсемпе республикăсене, тăрăхсене пĕрлештерекен ĕç Чăваш Республикин картти пекех эрешленет, анчах пĕр уйрăмлăх пурах. – Надежда Аркадьевна, Чăваш Республикин карттине тĕрленĕ чухне панносем хатĕрлемен. Раççей карттине эрешленĕ чухне мĕншĕн çакна кĕртнĕ-ха эсир? НАДЕЖДА СЕЛЬВЕРСТРОВА: «Мĕншĕн тесен пур республика та пĕр пек мар. Пĕчĕккисем те пур. Акă, тĕслĕхрен, Ингушети Республики – чи çамрăк республикăсенчен пĕри. Вăл питĕ пĕчĕк. Кунта тĕрленĕ чухне пĕр çĕвĕпе кăна тĕрлесе пĕр паллă символ – хĕвел кăна кăтартма май пулнă. Вара республикăн тĕрĕ пуянлăхне кăтартас тесе панно хатĕрленĕ. Тĕрĕ тени кунта сахалтарах. Çапах та стекляруссемпе, кĕмĕл çипсемпе тĕрленĕ. Тата аппликацисемпе, тĕрĕпе усă курнă. Вĕсен хĕвел палли, тĕп хула. Вĕсем çакăн пек чаплăрах курăнаççĕ». Панносене хатĕрленĕ чухне темĕн те усă кураççĕ. Хитре эрешсене çăм пусма, пурçăн, канва, кĕççе çинче те курма пулать. Пурте йĕркене пăхăнаççĕ – тĕрĕсене çÿллĕшĕпе тăршшĕ 35 сантиметрлă татăк çине эрешлеççĕ, панносем вара 50 сантиметрлă тăваткал çинче пулмалла. Тĕрлемелли хатĕрсем те тĕрлĕ тĕслĕ. – Кунта сирĕн хальлĕхе 60 ытла регионтан илсе килнĕ пайсем, эсир вĕсене тишкернĕ ĕнтĕ, мĕнле тĕс ытларах курăнать? – Хĕрлĕ тĕс ытларах. Ку вăл каламасăрах паллă, мĕншĕн тесен ку вăл пурнăç, вăй, хĕвел тĕсĕ нумай çĕртре. Çавăнпа та хĕрлĕ нумай, паллах. Хăш-пĕр вырăс халăхĕсем хĕрлĕ тĕс кăна усă кураççĕ. Шурă çинче хĕрлĕпе тĕрлеççĕ. Чăвашсен – пилĕк тĕспе усă куратпăр эпир – хĕрлĕ, хура, сарă, кăвак, симĕс. Пирĕн юнашар халăхсем – марисем, удмуртсем, сăмахран, хура тĕспе пирĕнтен ытларах усă кураççĕ. Кашни регионăн хăйĕн курăмĕ. Тĕрленĕ чухне йывăç сухăрĕ хытса пулнă илемлĕ чулран пуçласа пăлан сухалĕ таранах усă курнă. Пĕлтерĕшли вара – регионсем хăйсен культурине туллин кăтартма тăрăшни. – Мана тата çак панно питĕ илĕртет. Хăйне евĕрлĕ вăл. Ыттисенчен уйрăлса тăрать. НАДЕЖДА СЕЛЬВЕРСТРОВА: «Ку панно – ямалсен. Карттăна та вĕсем кĕççе çинче тăвасшăнччĕ, анчах ун çинче тусассăн картта йывăрланса каять. Тата вĕсен бисер. Çавăнпа та вĕсем шăпах панно çинче кĕççе усă курма пултарчĕç. Вĕсен традициллĕ тĕсĕ, тата тĕрлесси те кунта шăп эпир ăнланнă пек тĕрĕ мар, урăхла пулса пырать. Пăлан шăнăрĕсене пăлан сухалĕнчи çÿçсемпе çирĕплетсе пыраççĕ. Вăл питĕ çирĕп пулать, чăнах та. Ку вăл çутçанталăк материалĕ – вĕсен хăнăхнă япалисем тейĕпĕр». Тамбов облаçĕнчи маçтăрсем хăйсен ĕçне пĕрремĕш çитерекенсем пулчĕç. Регионсенчен кашни кунах паха çыру е посылка килсе пырать. 64-мĕшĕ Чукотка тăрăхĕнчен çитрĕ. Пайсене çитес эрнерен сыпăнтарма пуçлаççĕ. – Светлана Анатольевна, Раççей кунне уявлама килекенсем, хамăр тăрăха килекенсем, çак карттăна курма пултараççĕ. Ыттисен ку шанăç пур-и? – Шанăç пур. Çавна каласа хăварас килет. Надежда Бабкина пирĕн пата июнь уйăхĕнче пĕр кунлăх мар килет. Вăл Шупашкарта та, Çĕнĕ Шупашкарта та, республикăн 8 районĕнче концертсем ирттерет. Хăйĕн ыр кăмăллă фестивалĕпе килет вăл. Пирĕн патĕнчен вăл Крыма каять. Кăнтăр федераллă округра Крымра курма пулать çак фестивале. Кайран вара эпир кашни федераци округне çитеретпĕр пирĕн карттăна. Тĕрлĕ-тĕрлĕ площадкăсенче курма пулать. Акци Мускавра вĕçленет». Алина Сусметова, Бахтияр Велиев, Сергей Емельянов. Çĕршыври тĕрлĕ тăрăха кăтартакан ĕçе хăçан хатĕрлесе çитереççĕ? Раççей карттине кĕрекен Чăваш Республикин пайне кам тĕрлет? Çак тата нумай ыйтăва ака уйăхĕн 8-мĕшĕнче 19:00 сехетре тухакан «Эрне» кăларăмра Чăваш Республикин культура министрĕ Светлана Каликова уçăмлатать</p>