Giggs United barədə danışdı

Manchester United`in əfsanələri son zamanlarda klub haqqında maraqlı fikirlər səsləndirir. Onların arasında Rio Ferdinand,Roy Keane,Gary Neville və son olaraq da Ryan Giggs yer alıb. Patrice Evra da son zamanlarda aktual olan mövzular barədə çox danışdı. Qeyd edək ki, klubda da hal-hazırda aktiv olaraq çalışan keçmiş oyunçular var. Bunlar arasında Micheal Carrick`i xüsusi qeyd etmək lazımdır. Həmçinin baş məşqçi Ole Gunnar Solskjaer də klubun ən qızıl zamanlarında hücumda xüsusi yeri və vurduğu qollarla yaddaşlara həkk olunmuşdu.

   Komandanın bu dəqiqə etibarı ilə əsas problemi mərkəz və hücumun sivri ucu kimi görünür. Ancaq Anthony Martial`ın zədədən dönüşü ilə bitiricilik bir qədər həll olunmuş kimi görünür. Belə ki, komanda səfərdə qələbə qazana bilməməsi ilə xeyli tənqid olunurdu. Ancaq Martial`ın dönüşü ilə səfərdə Partizan və Norwich üzərində qələbələr qazanıldı. Keçmiş əfsanə və indi Uels milli komandasının məşqçisi olan Ryan Giggs bildirib ki, United əsas olaraq yaradıcı bir oyunçu almalıdır. Və bu təcili şəkildə qışda həll edilməlidir. Əks təqdirdə komandanın işləri çox çətindir. O bildirib ki, Manchester United`in mərkəzi Andreas Pereira ilə çox çətinlik çəkəcək. Və bu mövqeyə iddialı bir transfer edilməsi şərtdir.

Ryan Giggs: – “Biz keyfiyyətli oyunçu almalıyıq. Ole, transfer işlərini necə yaxşı yürütdüyünü artıq isbat edib. Onun transfer etdiyi 3 oyunçu da olduqca gözəl çıxış edir. Həm James, həm Bissaka həm də Maguire olduqca inamlı təsir bağışlayır. Ole, bu transfer siyasətini qışda da davam etdirməlidir”.