"Янги Ангрен" ИЭСда ёнғин содир бўлди — видео
Ёнғин натижасида 3 киши вафот этди, яна 3 киши тан жароҳати олган.
Бугун соат 11:45 да "Янги Ангрен" ИЭСнинг профилактик тадбирлар ўтказиш учун тўхтатилган 5-энергия блокида ёнғин содир бўлди. Бу ҳақда ФВВ Ахборот хизмати хабар берди.
Режали хизмат кўрсатиш ишлари олиб борилаётганда содир бўлган ёнғин оқибатида уч киши олган тан жароҳатлари оқибатида вафот этди. Яна уч киши турли даражадаги куйиш жароҳатини олган. Жароҳатланганлар ва вафот этганлар5-энергия блокида профилактика ишларини олиб бораётган корхона ходимлари бўлган.
Ҳодиса жойига ФВВ ходимлари ва воситалари сафарбар қилинган. Ёнғин келиб чиқиш сабабларини ўрганиш бўйича суриштирув бошланган.