Ծխելը կանանց մոտ կարող է անպտղության պատճառ դառնալ․ գինեկոլոգ
Ծխելը կարող է դառնալ անպտղության, հղիության վիժման, վաղաժամ ծննդաբերության, արատով երեխաների ծնվելու պատճառ․ լրագրողների հետ զրույցում ծխելու հետևանքով կանանց առողջությանը սպառնացող վտանգների մասին ասաց գինեկոլոգ Պավել Սոցկին:
«Իսկ այն կանանց դեպքում, որոնք չեն պլանավորում հղիություն և ծխում են երկար տարիներ, այլ խնդիրներ են ունենում»,- ասաց նա :
Բժիշկը հիշատակեց, որ ծխելն իր մեջ պարունակում է բազմաթիվ վտանգներ:
«Ծխախոտը պարունակում է կոնսերոգեն և բազմաթիվ տոքսիկ նյութեր, որոնք բացասական ազդեցությամբ են օժտված, ազդում են կնոջ հորմոնալ համակարգի վրա, կարող են բարձրացնել պրոլակտինի մակարդակը, իսկ դա իր հերթին կբերի ձվազատման պասիվության»,- ասաց նա՝ նշելով, որ հորմոնալ խանգարումները կարող է պատճառ դառնալ կանանց մաշկի չորացման և այլ դրևորումների:
Գինեկոլոգը ծխող և հղիություն նախատեսող կանանց խորհուրդ տվեց, որ թողնեն ծխելը իրենց նախատեսած ժամանակից առնվազն երեք տարի առաջ: «Այդ ժամանակահատվածն է անհրաժեշտ, որպեսզի օրգանիզմը կարողանա ազատվել այդ տոքսիկ նյութերից»,-ասաց նա: