ԱՄՆ-ն Ֆիլիպիններին զենք է տվել ահաբեկիչների դեմ պայքարի համար
Միացյալ Նահանգները Ֆիլիպիններին հարյուրավոր միավոր զենք է տվել երկրի հարավում իսլամիստ գրոհայինների դեմ պայքարի համար, հայտնում է gazeta.ru-ն՝ Ֆիլիպիններում ԱՄՆ դեսպանատան պաշտոնական կայքին հղումով:
Աղբյուրը մանրամասնում է, որ զենքը փոխանցվել է հունիսի 5-ին՝ Տագիգ քաղաքում:
Հայտնի է, որ Վաշինգտոնի կողմից Մանիլային տրված զենքի մեջ կան M4 ինքնաձիգեր, Glock 21 ատրճանակներ, M203 նռնականետեր:
Ավելի վաղ Ֆիլիպինների նախագահ Ռոդրիգո Դուտերտեն ռազմական դրություն էր հայտարարել հարավային Մինդանաո նահանգում, որտեղ իսլամիստ ահաբեկիչների և կառավարական զորքերի միջև բախումներ էին տեղի ունեցել:
Նշվում է, որ նախքան այս Դուտերտեն դիմել էր Ռուսաստանի նախագահ Վլադիմիր Պուտինին՝ խնդրելով ահաբեկիչների դեմ պայքարում իր երկրին ժամանակակից զենքով ապահովել: